«Утильалым мөлшерлемесі айтарлықтай төмендейді» - үкімет басшысы

Премьер-министр Әлихан Смайылов көліктер мен ауыл шаруашылығы техникаларын қайта өңдеу үшін алым мөлшерлемелері айтарлықтай төмендейтінін айтты, - деп хабарлайды Tengrinews.kz.

Бұл туралы ол Мемлекет басшысының қатысуымен өтіп жатқан Үкіметтің кеңейтілген отырысында мәлімдеді.

"Ластаушы заттардың зиянын азайтуға, қалдық және су ресурстарын басқару жүйесін жақсартуға, көлдерді қалпына келтіруге бағытталған шараларды жүзеге асыру жалғасады. Жұмыс көлік құралдары мен ауыл шаруашылығы техникаларына алынатын кәдеге жарату төлемдерінің мөлшерлемесін айтарлықтай төмендету бағытында қаралып жатыр", - деді Смайылов.