Мұқтаж адамдарға коммуналдық төлем құны жеңілдікпен белгіленеді

Халықтың мұқтаж санаттарына коммуналдық төлемдер бағасы басқаша белгіленуі мүмкін, - деп хабарлайды inbusiness.kz. 

Оларды бөлек топқа жатқызу жоспарланып отыр. Бұл туралы үкіметтің кеңестілген отырысында премьер-министр Әлихан Смайылов мәлімдеді.

"Тарифтік саясатты жетілдіру жөніндегі іс-шаралар шеңберінде табиғи монополиялар субъектілері қызметінің ашықтығын арттыру және олардың инвестициялық бағдарламаларды іске асыруына бақылауды қамтамасыз ету жөнінде заңнамалық шаралар қабылданатын болады", - деді үкімет басшысы.

Оның айтуына қарағанда, су ресурстарына ұқыпты қарауды қалыптастыру және объективті ақы белгілеу үшін 2023 жылдан бастап суды тұтыну көлемі бойынша сараланған тариф енгізілетін болады.

Жиында премьер-министр Әлихан Смайылов елді дамыту үшін атқарылған шаралар мен үкіметтің алдағы жоспары туралы баяндады.
Sn.kz порталының басқа да маңызды жаңалықтарын Instagram, Telеgram, facebook, twitter және vk секілді әлеуметтік желідегі парақшаларымыздан оқи аласыздар.