Қазақстан президенті Қасым-Жомарт Тоқаев Ресей президенті Владимир Путинмен келіссөздер барысында Кремльде маңызды келісімдерге қол қойылатынын айтты, деп хабарлайды Tengrinews.kz.
Мемлекет басшысы алдағы келіссөздер барысында Владимир Путинмен екі елдің стратегиялық мүдделерін қозғайтын бірқатар өзекті мәселелер бойынша пікір алмасу жоспарланғанын атап өтті.
"Маңызды келісімдерге қол қойылады. Жалпы, біздің стратегиялық өзара іс-қимылымызда, одақтастық өзара қарым-қатынастарымызда нақты нәтижелерге қол жеткізуге деген құлшыныс жоғары. Менің ойымша, бұл жерде біз қажетті нәтижелерге қол жеткіземіз", - деді Қазақстан Президенті.
Қасым-Жомарт Тоқаев Қазақстан мен Ресей Құдай қосқан көршілер екенін айтып, екі мемлекеттің әлемдегі ең ұзын құрлық шекарасы бар екенін атап өтті.
"Біздің елдеріміздің арасында өзара достық пен ынтымақтастықтан басқа қарым-қатынас болуы мүмкін емес. Сондықтан әрі қарай жұмыс істейтін боламыз", - деді Мемлекет басшысы.
Sn.kz порталының басқа да маңызды жаңалықтарын Instagram, Telеgram, facebook, twitter және vk секілді әлеуметтік желідегі парақшаларымыздан оқи аласыздар.