«Путин соғысты таңдады» - Байден

АҚШ президенті Джо Байден Украина халқы Ресей күштерінің себепсіз шабуылына ұшырағанын мәлімдеді,  деп хабарлайды Tengrinews.kz.

"Бүкіл әлем Ресей қарулы күштерінің себепсіз шабуылына ұшыраған Украина халқымен бірге. Президент Путин қайғы-қасірет әкелетін, қарапайым халық жапа шегетін алдын ала ойластырылған соғысты таңдады", - деді Байден мәлімдемесінде.

"Қарапайым халықтың өліміне себеп болған шабуылдарға Ресей ғана жауапты", - деп қосты АҚШ президенті.

Байден АҚШ одақтастарымен бірге Ресейге қарсы ұжымдық және батыл жауап беретініне сөз берді.

"Әлем Ресейді жауапқа шақырады", - деп баса айтты ол.