$ 441.66 € 475.14 ₽ 4.86
ҚР Президенті Қасым-Жомарт Тоқаевтың Жарлықтарымен үш жаңа Елші тағайындалды. Бұл туралы Ақордадан мәлім етті.
Атап айтқанда, Төлежан Тұрсынұлы Барлыбаев Қазақстан Республикасының Словак Республикасындағы Төтенше және Өкілетті Елшісі болып тағайындалды. Ол Қазақстан Республикасының Хорватия Республикасындағы Төтенше және Өкілетті Елшісі лауазымынан, Қазақстан Республикасының Босния және Герцеговинадағы, Черногориядағы Төтенше және Өкілетті Елшісі қызметін қоса атқарудан босатылды;
Алтай Ибрагимұлы Әбибуллаев Қазақстан Республикасының Хорватия Республикасындағы Төтенше және Өкілетті Елшісі лауазымына тағайындалды;
Алмат Дәкібайұлы Айдарбеков Қазақстан Республикасының Молдова Республикасындағы Төтенше және Өкілетті Елшісі лауазымына тағайындалды.
Бұған дейін Дархан Кәлетаев Қазақстанның Молдовадағы Төтенше және Өкілетті Елшісі қызметінен босатылған еді.
