Қазақстанның өзге мемлекеттерге қарызы – 160 млрд АҚШ доллары. 5 жылда бұл көрсеткіш шамамен 5 млрд долларға, яғни 2,8 пайызға азайған, деп хабарлайды Atameken Business.
Мәселен, 2017 жылы Қытайға 12 млрд доллар қарыз болсақ, бүгінгі күні ол 9,7 миллиардқа қысқарды. Сондай-ақ, АҚШ, Жапония, Гонконг елдерінен алынған қарыз көлемі де кемігені байқалды. Нидерландымен орнаған экономикалық қарым-қатынас, сол қалпында. Ал Ресейге берешегіміз керісінше 5 жылда 46,8 пайызға артқан. 2017 жылы 9,6 млрд доллар қарыз болсақ, бүгінде оның көлемі 14 млрдқа жетті.