Саясат 03.08.2022 сағат 17:20

Алматы облысында болған теміржолдағы апаттан тағы бір адам көз жұмды

Үшінші науқас жансақтау бөлімінде жатыр, оның жағдайы өте ауыр.
Алматы облысында болған теміржолдағы апаттан тағы бір адам көз жұмды
Бөлісу
Бөлісу
Бөлісу

 Алматы облысында пойыз бен жеңіл көлік соқтығысуы салдарынан зардап шеккендердің бірі ауруханада көз жұмды, деп хабарлайды ҚазАқпарат тілшісі. Алматы облыстық денсаулық сақтау басқармасының мәліметінше, 2 тамыз күні Іле аудандық орталық ауруханасына 3 адам түскен.

«Жеңіл көлік пен пойыз соқтығысынан зардап шеккен үш адам ауруханаға жеткізілді. Олардың ішінде 1985 жылы туған науқастың жағдайы өте ауыр болғандықтан, дереу жансақтау бөліміне жатқызылып, жасанды тыныс алу аппаратына қосылды. Өкінішке қарай, науқас 3 тамыз күні таңғы сағат 08:40-қайтыс болды. 1990 жылы туған екінші науқасқа жабық бас сүйек-ми жарақаты, бас миының шайқалуы, кеуде қуысының зақымдануы деген диагноз қойылды. Жағдайы орташа ауырлықта, динамикасы тұрақты. Үшінші науқас жансақтау бөлімінде жатыр, оның жағдайы өте ауыр», - деп хабарлады облыстық денсаулық сақтау басқармасынан.

Бұған дейін Іле ауданындағы «Еңбек-Құйған» теміржол өткелінде жүк пойызы мен «Аudi 100» көлігі соқтығысып, жүргізушінің қаза тапқаны туралы жазған болатынбыз.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар