Еуропарламент депутаттары Жанболат Мамайды босатуға шақырды

Еуропарламент депутаттары Қазақстанға 22-24 тамыз аралығында келді. Сапар қорытындыларын еуропарламенттің ресми сайтында жария етілді, деп хабарлайды Ulysmedia.kz. 

Аталған құжатта Қазақстанның геосаяси жағдайларына баға беріле келе, еліміздің адам құқықтарына қатысты атқарып жатқан жұмыстарын сөз еткен. Сонымен бірге, саяси тұтқындар туралы айтылған.

“Еуропарламнт депутаттары 2022 жылы болған қаңтар оқиғаларының жан-жақты  және әділ тергелуінің маңыздылығына тоқталды. Олар барлық саяси тұтқын және қоғамдық белсендіні қудалауды тез арада доғарып, босатуды сұраған. Оның ішінде журналист әрі Қазақстанның демократиялық партиясының көшбасшысы Жанболат Мамайды”, – делінген хабарламада.