Тоқаев: «2023 жылдың 1 қаңтарынан бастап бала күтімі бойынша төлемдер 1,5 жасқа дейін ұзартылады»

Мемлекет басшысы өз жолдауында ең төменгі жалақыны 60-тан 70 мың теңгеге көтеру туралы шешім шығарғанын хабарлады.

«Мемлекет ең төменгі жалақыны анықтаудың жаңа әдістемесін енгізеді, ол оның мөлшерін кезең-кезеңімен ұлғайтады.

Мен ең төменгі жалақыны 60-тан 70 мың теңгеге көтеруді шештім. Бұл 1,8 миллион азаматтың кірісіне тікелей әсер етеді.

Сонымен қатар, 2023 жылдың 1 қаңтарынан бастап бала күтімі бойынша төлемдер 1,5 жасқа дейін ұзартылады. 

Қазақстанда әйелдердің зейнетке шығуы 61 жас деңгейінде бекітіледі. Бұл туралы Мемлекет басшысы Қасым-Жомарт Тоқаев Қазақстан халқына Жолдауы барысында айтты.

«Кеңінен көтеріліп жүрген әлеуметтік сауалды ескере отырып, әйелдер үшін зейнетке шығу жасының межесі 2028 жылға дейін 61 жас деңгейінде бекітіледі», - деді Мемлекет басшысы.

Сонымен қатар Президент Бірыңғай жинақтау зейнетақы қорының тиімді инвестициялық стратегиясын әзірлеуді тапсырды.