Саясат 27.09.2022 сағат 12:20

«Іргелес елдермен тату болуымыз керек»: Тоқаев Түркістан жұртымен кездесті

Президент соңғы күндері көрші елден, яғни Ресейден көптеген адам келе бастағанын атап өтті.
«Іргелес елдермен тату болуымыз керек»: Тоқаев Түркістан жұртымен кездесті
Фото: Борт №1
Бөлісу
Бөлісу
Бөлісу

Мемлекет басшысы Қасым-Жомарт Тоқаев Түркістан облысы жұртшылығымен кездесті. Бұл туралы Ақорданың баспасөз қызметі хабарлады.

«Түркістан – Атажұртымыздың алтын қазығы. Түркістан – бәріміздің мақтанышымыз, екі дүние есігі, ер түріктің бесігі атанған бүкіл әлемге танымал қасиетті жер. Осы киелі шаһардың төл тарихымызда айрықша орны бар. Түркістан төріндегі Қожа Ахмет Ясауи кесенесі – руханиятымыздың мызғымас діңгегі», - деп атап өтті Мемлекет басшысы.

Сондай-ақ, президент осы өңірде халқымыздың салт-дәстүрі, әдет-ғұрпы барынша сақталғанын, Түркістан – халқымыздың қаймағы бұзылмаған қасиетті мекені екенін айтты.

«Қазақ жылнамасына алтын әріппен жазылған көптеген тұлғаларымыз осында жерленген. Былтыр қалаға Түркі әлемінің рухани астанасы деген мәртебе берілді. Бұл Түркістанды тұтас түркі жұрты ерекше қадірлейді деген сөз. Ал, біз киелі шаһарды рухани және тарихи елордамыз десек, дұрыс пайым болатынына күмәнім жоқ. Сондықтан, Үкімет таяу арада Түркістан қаласына осындай мәртебе беру мәселесіне қатысты лайықты шешім қабылдайды деп ойлаймын. Қастерлі шаһар көне заманнан бері ұлттың ұясы, қазақтың қара шаңырағы болып келеді», - деді президент.

Сонымен қатар, халқымыздың ең басты күші – бірлік, парасаттылық және төзімділік екенін ескере кетті.

«Қазақта «Көршімен татудың көңілі тоқ» деген сөз бар. Ең бастысы, іргелес елдермен тату болуымыз керек. Бұдан еш ұтылмаймыз. Соңғы күндері көрші елден, яғни Ресейден көптеген адам келе бастады.

Көпшілігі қазіргі ахуалға байланысты амалдың жоқтығынан келіп жатыр. Оларға қамқорлық көрсетіп, қауіпсіздігіне мән беруіміз қажет. Бұл – саяси және гуманитарлық мәселе. Осы мәселені мен Үкіметке тапсырдым», - деді Қасым-Жомарт Тоқаев.

 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар