$ 448.15  483.46  4.86

Бақытгүл Хаменованың соты тағы да кейінге қалдырылды

Осы жолы отырыста тараптардың жарыссөздері басталуы керек еді. Прокурор айыптау актісін оқуы тиіс болған.

Пара алды деген күдікпен қамауға алынған Атырау облысы әкімінің бұрынғы орынбасары Бақытгүл Хаменованың сот отырысы тағы он күнге шегерілді. Белгілі болғандай 3 қазанға белгіленген сот отырысын судьяның ауырып қалуына байланысты кейінге қалдырған. 

Ал бұл кезде сот залында Бақытгүл Хаменованың адвокаттары мен қолдаушылары отырыстың басталуын асыға күтіп отырған болатын. 

Сот процесі басталар уақытта қалалық сот қызметкерлері судья Жұмағали Ташимовтың ауырып қалуына байланысты отырыс кейінге шегерілгенін жеткізді. Осы жолы отырыста тараптардың жарыссөздері басталуы керек еді. Прокурор айыптау актісін оқуы тиіс болған.

Еске сала кетейік, Бақытгүл Хаменова мен өңірлік мәдениет, архивтер және құжаттама басқармасының басшысы Ақылбек Рысқалиевке қатысты тергеу 2021 жылдың желтоқсан айында басталған еді.

Сыбайлас жемқорлыққа қарсы қызметтің мәліметінше, олар Атырауда Абай ескеткішін орнату үшін  ЖШС басшысынан 4,5 млн теңге пара алды деген күдікке ілінген. Ол соттың басталуын сегіз ай күткен болатын.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары