Атырауда Сайлаубек пен Сайлаугүл дүниеге келді

Атырау облысы Индер ауданы жұртшылығы саяси науқанға қатысып, өз таңдауларын жасап жатқанда, өңірде екі сәби дүниеге келді, - деп хабарлайды ATPress.kz.

Аналарды аудандық аналар кеңесінің төрағасы Светлана Жәрдемқызы мен аудандық ішкі саясат бөлімінің басшысы Анаргүл Дюсубалиева арнайы құттықтап барып, естелік сый ұсынды.

Жас ана Бақытгүл Сапанова кесте тігерін, ал Әдемі Жаманқұлова атұстарын бауырына басып қуанып жатыр. Бұл олардың төртінші сабилері екен.

Бүгін, 20 қараша - сайлау күні елімізде 634 кішкентай дүниеге келді. Оның ішінде 6 егіз бар.

Барлығы 328 ұл және 306 қыз бала дүние есігін ашты.