Универсиада-2017: Қазақстандық фристайл шеберлері қоржынға тағы екі медаль салды

Алматыда өтіп жатқан Универсиада ойындарында Қазақстан қоржынына тағы екі жүлде түсті. Жүлдені фристайлдың акробатика түрінен сынға түскен бұрымдыларымыз - Жанбота Алдабергенова мен Жібек Арапбаева салды, деп сүйінші сұрайды Vesti.kz.

Фристайлдың акробатика түрінен финалға Жанбота Алдабергенова, Жібек Арапбаев, Вера Ляшкевич (Беларусь) және Чжу Иньинь (Қытай) шыққан еді. Сайыстың қорытындысы бойынша, қытай қызы алтын жүлде алса, Жібек Арапбаева күміс, ал Жанбота Алдабергенова қола жүлде еншіледі.

Фристайл. Акробатика. Қыздар. Финал
1. Чжу Иньинь (Қытай) — 64.09
2. Жібек Арапбаева (Қазақстан) — 60.84
3. Жанбота Алдабергенова (Қазақстан) — 60.48.

Айта кетейік, осыған дейін Анна Шевченко шаңғы жарысында қола медаль алған болатын. Осылайша, құрама қоржынында осымен үш медаль бар.