Барша футболсүйер қауым көз тіккен Еуропа Чемпиондар лигасы мен Еуропа лигасы матчтарын енді «KazSport» телеарнасы да көрсете бастайды. Бұл туралы ҚР Ақпарат және байланыс министрі Дәурен Абаев өзінің Facebook-парақшасында мәлімдеді.
Айта кетейік, бұған дейін «кәрі құрлықтағы» басты футбол додасын елімізде тек «ОҢ-ТВ» телеарнасы көрсетіп келген болатын.
«KazSport» телеарнасы 2017 жылғы 7 наурыздан бастап күллі жанкүйерлер көз тіккен Чемпиондар лигасы мен Еуропа лигасы матчтарын көрсетуді бастайды. Осы көктемде аталған турнирлердің 1/8, 1/4, 1/2 финалдарының 50 ойыны трансляцияланады. Ал келесі маусым «KazSport» телеарнасында толықтай көрсетілмек», - делінген министрдің әлеуметтік желідегі жазбасында.