Бибісара Асаубаева 47 миллион теңге тігілген турнирда әлем чемпионын жеңді

Қазақстандық шахматшы Бибісара Асаубаева турнир аяқталғанға дейін екі тур қалғанда Тбилисидағы Гран-при кестесінде көш бастады, деп хабарлайды Skifnews.kz ақпарат порталы.

Қазақстан құрамасының көшбасшысы Швейцария мен Ресей өкілі Александра Костенюкті жеңді. Атақты шахматшы 2008 жылы 12-ші әлем чемпионы атанған.

"Асаубаева жеңісті Каталония партиясы кезінде жұлып алды. Өте күрделі партияда екі шахматшы да қателіктер жіберді, бірақ Костенюктің сыни сәттердегі қателіктері ойын тағдырын шешті. Нәтижесінде Асаубаева 4,5 ұпай жинап, осы турнирде бірінші рет жеке-дара бірінші орынға ие болды",-деп хабарлайды Халықаралық шахмат федерациясының (fide) баспасөз қызметі.

Асаубаева, турнир аяқталғанға дейін екі турда өзге шахматшылардан 0,5 балл алда. Турнирге жалпы 80 мың еуро (шамамен 47 миллион теңге) жүлде қоры қарастырылған. Жеңімпаз 18 мың еуро алады.