«Рекордтық көрсеткіш»: Халықаралық ұйым Ризабек Айтмұханның өнеріне баға берді

Ол екі салмақ дәрежесінде үш жас деңгейінде чемпион атанып отыр.

Фото: UWW

Еркін күрестен Қазақстаннан шыққан тұңғыш әлем чемпионы Ризабек Айтмұхан 2023 жылдан бері топ жарған жарыстар жағынан рекорд орнатты, деп хабарлайды Skifnews.kz ақпарат порталы.

Кеше ғана балуан 23 жасқа дейінгі жастар арасында әлем чемпионатын жеңіп алды. Біріккен күрес әлемі (UWW) Айтмұханның өнерін рекорд деп бағалады, деп жазады 1bol.kz.

«Еркін күресте Қазақстан атынан тұңғыш әлем чемпионы атанған Ризабек Айтмұхан алдына барлық жас дәрежесінде әлемдік титулды иелену деген мақсат қойды. 20 жасқа дейінгілер арасында әлем чемпионы атанған соң араға екі ай салып Айтмұхан Албания астанасы Тиранада 23 жасқа дейінгі спортшылар арасында өткен әлем чемпионатында 97 келіде алтын медаль иеленді.
Алтын медальдің арқасында Айтмұхан 2023 жылдан бері қатысқан турнирлердегі жеңіс тұғыры жағынан рекордтық көрсеткішке қол жеткізді», - деп мәлімдеме жасады UWW.