Ержет Жарлықасын Әлем чемпионатының күміс жүлдегері атанды

Бұл қазақстандық спортшының ересектер арасындағы алғашқы Әлем чемпионаты.

Фото: Ulyssport.kz.

Ержет Жарлықасын грек-рим күресінен Әлем чемпионатының күміс жүлдегері атанды, деп хабарлайды Skifnews.kz ақпарат порталы.

Тиранада грек-рим күресінен Олимпиада бағдарламасына кірмейтін салмақтар бойынша әлем чемпионаты өтіп жатыр.

Отандасымыз ел қоржынына алғашқы жүлдесін салды.

63 келіде сынға түскен Ержет Жарлықасын финалдық белдесуде әзірбайжандық Нихат Захид Маммадлиге есе жіберді. Бұл қазақстандық спортшының ересектер арасындағы алғашқы Әлем чемпионаты.

Айта кетсек, 24 жастағы Ержет Жарылқасын 2024 жылы Бішкек қаласында өткен Азия чемпионатында топ жарған.