Алғаш рет өткен құрлықтық дода Алматы қаласында ұйымдастырылды.
Қазақстан құрамасы шайбалы хоккейден Азия чемпионы атанды, деп хабарлайды Skifnews.kz ақпарат порталы.
Алғаш рет өткен құрлықтық дода Алматы қаласында ұйымдастырылды.
Қазақстандық хоккейшілер Жапониямен ойын барысында жинақы қимыл көрсетті. Нәтижесінде құрама капитаны Евгений Рымарев 7, 27, Евгений Наместников 29, Владимир Гребенщиков 44, Евгений Королинский 59-минутта гол салды.
Құрлықтық дода алғаш рет Халықаралық шайбалы хоккей федерациясының (IIHF) қолдауымен өткізіліп отыр.
Айта кетсек, ел құрамасы бұған дейін Оңтүстік Кореядан 1:4 есебімен жеңілсе, Қытайдан 6:1 есебімен басым түсті.
Азия чемпионаты 2025 жылы 7-14 ақпан аралығында Қытайдың Харбин қаласында өтетін Азия ойындарына дайындық жарыстары ретінде ұйымдастырылып отыр.
Еске салсақ, шайбалы хоккейден Азия чемпионатында Қазақстан әйелдер құрамасы қола алды.
Құрлықтық дода 31 қазан мен 3 қараша аралығында Қытай астанасы Бейжің қаласында өтті.
Онда ел құрамасы бұған дейін Қытайдан 0:5, Жапониядан 0:8 есебімен жеңілсе, буллиттен Оңтүстік Кореяны 5:4 есебімен тізе бүктірген еді.