Азия чемпионатында орын алған қазақ боксшылары қанша сыйақы алады

Таиландта өтетін бокстан Азия чемпионатының жүлдегерлері мен 200 ширек финалиске қомақты сыйақы беріледі. Бұл туралы Skifnews.kz ақпарат порталы Халықаралық бокс қауымдастығының (IBA) ресми сайтына сілтеме жасап хабарлайды.

Халықаралық бокс қауымдастығы (IBA) 28 қараша мен 12 желтоқсан аралығында Таиландтың Чианг Май қаласында өтетін ASBC бокстан Азия чемпионатының жүлдегерлері мен ширек финалистері үшін 500 000 АҚШ доллары көлемінде жүлде қорын тағайындады. Жеңімпаздар 8000 доллар, күміс жүлдегерлер 4000 және қола жүлдегерлер 2000 доллар алады. Ал ширек финалистерге 1000 доллардан беріледі.

"Азияда мықты таланттар мен өсіп келе жатқан жұлдыздар көп. Біздің міндетіміз – жеңіс үшін көп жаттығып, керемет нәтижелер көрсетіп жүрген осы боксшыларға қолдау. Ақшалай сыйақы – бұл мотивация және марапат, медаль мен даңққа керемет қосымша. Біз спортшыларымыздың игілігі үшін ең жақсы жағдайларды қамтамасыз етуді жалғастырамыз", - деді IBA Бас хатшысы және Бас директоры Крис Робертс.