Шавкат Рахмонов UFC турнирінің алдында салмақ өлшеу рәсімінен өтті (ВИДЕО)

Рахмонов таразыда 171 фунт (77,56 келі) көрсетті.

Фото: sports.kz

Қазақстандық жекпе-жек шебері Шавкат Рахмонов (18-0) ирландиялық Иэн Гарримен (15-0) жекпе-жек алдында міндетті салмақ өлшеу рәсімінен өтті, деп хабарлайды Skifnews.kz ақпарат порталы.

Рахмонов таразыда 171 фунт (77,56 келі) көрсетті. Жартылай орта салмақ шегі - 170 фунт (77,11 келі), бірақ титулдық емес жекпе-жектерде аздап артық салмаққа рұқсат етіледі. Салмақ өлшеудің видеосын төменде көруге болады.

Айта кетейік, Шавкат Рахмонов пен Иэн Гарри арасындағы жекпе-жек 8 желтоқсан, жексенбі күні таңертең өтеді. Олар Лас-Вегаста (АҚШ, Невада) UFC 310 турнирінде кездеседі. Алғашында Рахмонов бұл турнирде америкалық файтер Белал Мұхаммадпен (24-3) жұдырықтасуы керек еді, бірақ қазіргі UFC чемпионы денсаулығына байланысты ойыннан шығып қалды.