Мұхамедсабырдың қарсыласы әзірше белгісіз.
Қазақстан құрамасының 63,5 келі салмақ дәрежесіндегі үздігі Мұхамедсабыр Базарбайұлы кәсіби бокс кешіне қатысады, деп хабарлайды Skifnews.kz ақпарат порталы.
Турнир Бангкок қаласында 1 ақпанда өтеді. Ұйымдастырушылары – қазақстандық Irfin Promotions промоушн-компаниясы және TL Boxing Promotion.
Мұхамедсабыр Базарбайұлы 2002 жылы 27 қарашада Қырғызстан жерінде дүниеге келді. Осы уақытқа дейін сал алуан халықаралық жарыстарға, соның ішінде 2024 жылғы Париж Олимпиадасына қатысты. Сол кезде Базарбайұлы алғашқы жекпе-жекте испандық боксшы Ойера Конде Ибареччені айқын басымдықпен жеңген.
Ал ширек финалда грузиндік Лаша Гурулиге ұпай санымен жол беріп қойды. Қазақстанның ұлттық Олимпиада комитеті осы шешіммен келіспей, апелляцияға шағым түсірді.