Әйелдер теннис қауымдастығы (WTA) маусымның алғашқы турнирлерінің қорытындысы бойынша әлемдік рейтингті жаңартты.
Қазақстанның екінші ракеткасы Юлия Путинцева өз мансабындағы ең жоғары көрсеткішке жетіп, әлемдік рейтингте 25-орынға көтерілді, деп хабарлайды Skifnews.kz ақпарат порталы.
Әйелдер теннис қауымдастығы (WTA) маусымның алғашқы турнирлерінің қорытындысы бойынша әлемдік рейтингті жаңартты. Бұған дейін Путинцева үшін ең жоғары көрсеткіш – 27-орын болған.
Рейтинг жаңартылғаннан кейін Юлия Путинцева Аустралияның Аделаида қаласында өткен турнирдің 1/16 финалында әлемнің 19-ракеткасы Донна Векичпен кездесіп, 6:2; 6:3 есебімен жеңіске жетті.
Қазақстандық теннисшілердің WTA рейтингіндегі орындары:
Елена Рыбакина – 6-орын; Юлия Путинцева – 25-орын; Жібек Құламбаева – 316-орын; Зарина Дияс – 381-орын.Айта кетейік, Юлия Путинцева мансабында үш рет WTA титулын жеңіп алып, үш рет Үлкен дулыға турнирлерінің ширек финалына жеткен. Теннисші Мәскеуде дүниеге келген, бірақ кәсіби жетістіктері 2012 жылы Қазақстан азаматтығын алғаннан кейін басталды.