Универсиада: Никита Акимов ел қоржынына үшінші алтынды салды

Туриндегі қысқы Универсиада ойындарында отандасымыз биатлоннан ерлер арасындағы сайыста (10 км) алтынға қол жеткізді, деп хабарлайды Skifnews.kz ақпарат порталы.

ҚР Ғылым және жоғары білім министрлігі баспасөз қызметінің мәліметінше, Турин универсиадасында Биатлоннан ерлер арасындағы 10 шақырым қашықтықта Мирас университетінің студенті Никита Акимов тамаша өнер көрсетіп, жеңіс тұғырынан көрінді. 

Қазіргі таңда Қазақстан құрамасының еншісінде 3 алтын, 4 күміс, 2 қола медаль бар.