Бүгінгі жеңістің арқасында Қазақстан құрамасы келесі кезеңде мықты қарсыластармен кездесуге мүмкіндік алды.
Қазақстанның ерлер құрамасы Дэвис кубогында Пәкістанды мерзімінен бұрын жеңді. Бүгін, Астанадағы Beelline Arena корттарында өткен кездесуде Александр Шевченко мен Тимофей Скатов Ақил Хан-Музаммил Муртаза жұбын 6:4, 7:6 есебімен ұтты, деп хабарлайды Skifnews.kz ақпарат порталы.
Жекелей сында Денис Евсеев Ахмад Курешиді 6:0, 6:0 есебімен тізе бүктірді.
Осылайша, Қазақстан мен Пәкістан арасындағы кездесу 4:0 есебімен аяқталды. Бұл жеңістің арқасында Қазақстан Дэвис кубогының Әлемдік тобының I қатарына қайта оралды.
Бұған дейін Александр Шевченко Музаммил Муртазаны жеңсе, екінші кездесуде Бейбіт Жұқаев Хузайфа Абдула Рехманнан басым түсті.