04.02.2025, 04:30

Қарағандының тумасы Сметовтың алдын орап кетіп, «Жылдың үздік дзюдошы» атанды

Фото: Olympic.kz

Барлық үміткерлер Париждегі 2024 жылғы Олимпиадада алтын медаль иеленген.

Әзірбайжандық Хидаят Гейдаров Халықаралық дзюдо федерациясының "Жылдың үздік дзюдошысы " номинациясының жеңімпазы атанды, деп хабарлайды Skifnews.kz ақпарат порталы. 

IJF-тің ресми сайтындағы мәліметке сүйенсек, аталған санаттағы үш финалист қатарында грузин спортшысы Лаша Бекаури мен қазақстандық Елдос Сметов те бар.

Барлық үміткерлер Париждегі 2024 жылғы Олимпиадада алтын медаль иеленген.

Нәтижесінде Қарағандыда дүниеге келген, бірақ ертеректе отбасымен Бакуге көшіп кеткен Гейдаров жеңіске жетті. Марапаттау рәсімі Парижде Қазақстан құрамасы жіберіп алған Grand Slam сериясының турнирі аясында өтті.

2024 жылғы Олимпиадада алтын медаль алған канадалық Криста Дегучи қыздар арасындағы "Жылдың үздік дзюдошысы" деп танылды. Жылдың үздік иппоны сыйлығын француз Тедди Ринер жеңіп алды.