«10 күн болды»: Ішімдікке салынып кеткен Алмас Өтешов жұмысқа тұрды (ВИДЕО)

Танымал зілтемірші Алмас Өтешов Қызылорда облысында спорт саласында әдіскер болып жұмысқа орналасты. Бұл туралы спортшының өзі мәлімдеді, деп хабарлайды Skifnews.kz ақпарат порталы.

Бұған дейін Алмас Өтешов спорт және туризм министрі Ербол Мырзабосыновтан жұмыс сұраған болатын. Нәтижесінде, Қызылорда облысының дене шынықтыру, спорт және туризм басқармасының басшысы Бахтияр Артаев оған қолдау көрсетіп, жұмысқа орналасуына көмектесті.

«Жұмысқа кіріскеніме 10 күндей ғана болды. Қызметке дайынбыз. Қазір облыстық біріншілік өтіп жатыр. Әзірге әдіскер болып жүрмін, осы қызметтен бастаймын. Қызылорда халқына да алғыс айтамын. Сұхбатымды көрген таксистер тегін тасып жүр. Үйімді қайтару жұмыстары да жүргізіліп жатыр», – деді Өтешов.