27 жылдан кейінгі тарихи жеңіс! «Жайық» клубы чемпион атанды

Бұған дейін 1998 жылы “Жайық-Конденсат” командасы ел чемпионы атанған болатын.

Фото: Pixabay

Волейболдан Қазақстан Республикасы чемпионатының XXXIII маусымы аясында ерлер арасындағы Ұлттық лиганың финалдық кезеңі аяқталды, деп хабарлайды Skifnews.kz ақпарат порталы.

Финалдық кездесулер нәтижесінде “ЖАЙЫҚ” волейбол клубы шешуші ойында Ақтөбе командасын 3:1 есебімен жеңіп, Ұлттық лиганың чемпионы атанды!

Чемпиондық тұғыр:

“ЖАЙЫҚ” ВК (Батыс Қазақстан облысы)
“Ақтөбе” ВК (Ақтөбе облысы)
“Атырау” ВК (Атырау облысы)

Араға 27 жыл салып, “ЖАЙЫҚ” өз тарихындағы чемпиондық атағын қайта жаңғыртты. Бұған дейін 1998 жылы “Жайық-Конденсат” командасы ел чемпионы атанған болатын.