Геннадий Головкин Ұлттық құрама боксшыларының жаттығуын өзі тексермек
Кездесуде Ұлттық құраманың маңызды жарыстарға дайындығы талқыланды.
Қазақстан Ұлттық Олимпиадалық комитетінің президенті Геннадий Головкин бокстан ұлттық құраманың оқу-жаттығу жиындарына қатысады. Бұл туралы бокс федерациясының бас хатшысы Мерей Ақшалов және вице-президенті Болат Абрахмановтың Головкинмен кездесу барысында белгілі болды, деп жазады Skifnews.kz ақпарат порталы 1bol.kz-ке сілтеме жасап.
«Кездесуде Ұлттық құраманың маңызды жарыстарға дайындығы талқыланды. Сондай-ақ, Геннадий Геннадьевичтің алдағы уақытта бокстан Қазақстан командасының оқу-жаттығу жиынына баратыны айтылды», - деп жазылған федерацияның хабарламасында.
Бұған дейін ұлттық құраманың бас бапкері Қайрат Сәтжанов бастаған ерлер құрамасы Түркістан облысы “Алматау” спорт базасындағы оқу-жаттығу жиынын қорытындылаған болатын.
18 күнге жалғасқан дайындықтан соң боксшылар аз күн демалған соң бірнеше құрамға бөлініп, Таиландағы және Еуропадағы халықаралық турнирлерге қатысады. Сондай-ақ, келесі жаттығу жиыны 26 мамыр күні Ақмола облысындағы Щучинск қаласында өтеді.
Сіздің реакцияңыз?
Серіктес жаңалықтары
