Бұл марапатты спортшыларға әлем чемпионаттарындағы жетістіктерінен кейін сыйға беріліп отыр.
Түркістан облысының әкімі Нұралхан Көшеров бокстан екі дүркін әлем чемпионы Сәкен Бибосынов пен каратэші Әсел Қанайға көлік сыйлады, деп хабарлайды Sn.kz ақпарат порталы.
Бұл марапатты спортшыларға әлем чемпионаттарындағы жетістіктерінен кейін сыйға беріліп отыр.
Айта кетейік, Сәкен Бибосынов Дубайда IBA ұйымдастыруымен өткен әлем чемпионатында топ жарып, алтыннан алқа тақты. Осылайша ол екі дүркін әлем чемпионы атағына қол жеткізді. Ол 2020 жылы Токио Олимпиадасында қола жүлде еншілеген.
Ал каратэші Әсел Қанай Каирде өткен каратэден әлем чемпионатында үздік үштіктен көрінді. Қола медаль үшін тартысты қазақстандық спортшы Украина өкілі Александра Шолохованы 3:2 есебімен жеңіп шықты.