Бокстан Әлем кубогы: Назым Қызайбай жарысты жалғастырады

Қытайдың Гуйян қаласында өтіп жатқан Әлем кубогында бүгін, 18 маусымда ел құрамасынан Назым Қызайбай жарысты жалғастыруға мүмкіндік алды, деп хабарлайды Sn.kz ақпарат порталы.

3 дүркін әлем чемпионы, 54 келіге көтерілген Назым Қызайбай ширек финалда Польша боксшысы Виктория Рогалинскамен тағы да кездесті.

Отандасымыз алғашқы раундтан-ақ басымдықты қолға алып, шеберлік жағынан әлдеқайда басым екендігін дәлелдей білді. Қорытынды есеп: 4:1.

Айта кетейік, Назым Қызайбай 2 ай бұрын Бразилияда өткен Әлем кубогының бірінші кезеңінде дәл осы Польша өкіліне жол берген болатын.