$ 443.85 € 474.3 ₽ 4.8
Кәсіпқой бокстан орта салмақтағы WBA (Super), IBO, WBC және IBF чемпиондық белбеулерінің иесі Геннадий Головкин (37-0, 33 КО) өз жанкүйерлерін 16 қыркүйекте Лас-Вегаста мексикалық Сауль "Канело" Альвареспен (49-1-1, 34 КО) өтетін жекпе-жегін тамашалауға шақырды.
"16 қыркүйекте Лас-Вегаста жолығамыз" деп жазды Головкин өзінің Instagram-парақшасында.
Айта кетейік, GGG мен "Канело" арасындағы кездесудің Лас-Вегаста өтетіні күні кеше белгілі болған еді. 20 мың көрерменге арналған T-Mobile Arena кешені көптен күткен жылдың бокс кешін өткізуге дайын.
Геннадий Головкин бұған дейінгі мәлімдемелерінің бірінде мұндай жекпе-жекті тек армандағанын айтқан болатын. "Бұл нағыз чемпиондық деңгей. Біз жанкүйерлерге өте қызықты жекпе-жек сыйламыз", - деді Головкин.
