ҚР Тұңғыш Президент күніне орай Алматыда 2 мұз айдыны ел игілігіне берілді

Мұз айдындарын қаланың барлық қонақтары мен тұрғындары тәулігіне 24 сағат бойы пайдалана алады. Сырғанайтын жерлерде келушілер үшін тамақтанатын орындар мен конькийлерді жалға алу ұйымдастырылған.Конькийлерді 1 сағатқа жалға алу құны 600 теңге. Жалға беру орындары жай күндер таңғы сағат 10-нан түнгі 22.00-ге дейін, ал демалыс күндері күндізгі сағат 12.00 ден 00.00-ге дейін істейді.

«Мұз, балалар, спорт алаңдары қалалықтардың таза ауада спортпен шұғылдануларына жақсы жағдай жасайды. Мұз айдындарына өз конькийлерімен келіп, отбасымен бірге сырғанауға болады», - деп атап өтті Алматы әкімі Б.Байбек.

Конькимен сырғанау алматылықтардың сүйікті спорт түрлерінің бірі. Сондықтан, шаһарда бұқаралық сырғанауға ерекше ден қойылуда. Қазір қалада тұрақты істеп тұрған жабық 8 мұз айдыны бар. Қосымша ашылатындары тағы бар. Олардың барлығы Алматының ауа райына төзімді, заманауи технологияларды пайдалана отырып жасалады.

«Бұл мұз ауа райы қандай болғанына қарамастан, яғни +10 градусқа дейін жылы болса да қатып тұрады. Алаңдардың тоңазытқаш құралы мұзды ерітпеуге қолайлы температураны қамтамасыз етеді. Келушілерге өте ыңғайла болады. Біз ауа райына қарай температуралық режимді орнатамыз», - деді құрылыс компаниясының басшысы Мұхамеджан ӨСЕР.

Қазіргі таңда «Медеу мұз айдынында» конькимен сырғанауды тегін үйрететін нұсқаушылар жұмыс істеуде. Мұның барлығы «Спорттық Алматы» бағдарламасы аясында іске асырылуда. Басты мақсат – бұқаралық сырғанауды дамытып, салауатты өмір салтын ұстанатындардың қатарын арттыру.

Айта кетерлігі, Алматыда соңғы екі жылда 732 аула алаңдары абаттандырылды. Бұл - қаладағы әрбір бесінші аула.«Менің ауламдағы спорт» бағдарламасы аясында 6 мың бала кәсіби нұсқаушылармен бірге аулалардағы 75 спорт алаңдарында жаттығуда. 2020 жылға дейін қаланың барлық 600 спорт алаңын қамту жоспарланған.