Қазақстандық кәсіпқой боксшы Қанат «QAZAQ» Ислам атақты менеджер Эгис Климаспен келісімшартқа отырды деп жазады Qsport.kz порталы.
The Ring журналының нұсқасы бойынша Эгис Климас 2017 жылдың ең үздік менеджері атанған. Ол енді Қанат Исламның жекпе-жектерін ұйымдастыратын болады. Эгис кәсіпқой бокстың жарқын жұлдызына айналған Сергей Ковалев, Александр Усик, Василий Ломаченко сынды боксшылармен де жұмыс істейді.
Қазір Қанат Ислам Американың Калифорния штатында жаттығу жұмыстарын бастап кетті.
Еске салайық, өткен аптада ғана тағы бір қазақстандық танымал боксшы Бейбіт Шүменов Қанат Исламның промоутері болды деген мәлімет тарап кеткен болатын. Алайда, Шүменов те, Қанаттың командасы да бұл ақпаратты артынша жоққа шығарды.