Геннадий Головкин Голливуд актері Марк Уолбергке қолғабын сыйлады

Кәсіпқой бокстан орта салмақтағы әлем чемпионы Геннадий Головкин өзінің қолтаңбасы қойылған былғары қолғабын әйгілі Голливуд актері Марк Уолбергке сыйлады.

Кино жұлдызымен бірге түскен суретін қазақстандық боксшы өзінің Instagram-парақшасына жүктеген және Марк Уолбергті нағыз адам және чемпион деп бағалаған.

Еске салайық, қазіргі таңда GGG командасы алдағы мамыр айында мексикалық Сауль Альвареспен болатын жекпе-жекке дайындалып жатыр. Бокс кеші Лас-Вегас қаласындағы T-Mobile Arena кешенінде өтеді. Бұл қос боксшының арасындағы екінші кездесу. Былтыр олар 12 раунд жұдырықтасып, төрешілердің шешімімен тең түскен болатын.