Шымкенттік "Ордабасы" клубы Еуропа лигасында ойнау құқығынан айырылды деп жазады Vesti.kz. Мұндай шешім "Клубтарға сертификат беру ережесі және УЕФА турнирлеріне қатысу үшін қаржылық фэйр-плей ережесін сақтау" бойынша өткен Сертификат беру комиссиясының отырысында қабылданды, деп хабарлайды Қазақстан футбол федерациясының ресми сайты.
Сондай-ақ отырысын барысында келесі шешімдер қабылданды:
- 2018/19 маусымда УЕФА ұйымдастыратын турнирлерге келесі клубтарға сертификат берілді:
"Астан" футбол клубы (Астана қаласы);
"Қайрат" футбол клубы (Алматы қаласы);
"Ертіс" футбол клубы (Павлодар қаласы).
- Қаржылық ережелерді сақтамағаны үшін "Ордабасы" клубына 2018/19 маусымда УЕФА ұйымдастыратын турнирлер сертификат беруден бас тартылды.
- 2018/19 жылғы УЕФА ұйымдастыратын турнирлерге қатысу үшін "Тобыл" клубына сертификат беру мақұлданды.