Орта салмақтағы әлемнің экс-чемпионы Келли Павлик қазақстандық Геннадий Головкин мен оның кездесуі мүмкін қарсыластары Мигель Котто және Сауль Альварес туралы өз пікірін білдірді.
Келлидің пайымдауынша, қазақстандыққа бәсекелес бола алатын жалғыз боксшы – Альварес. Өйткені Котто орта салмақ үшін тым жеңіл.
“Қазір Головкин Альвареспен күш сынасуы керек деп ойлаймын. Бұл жекпе-жекте ол өз мүмкіндігін көрсете алады. Ол аса қабілетті деген пікірдемін, алайда Канеломен кездесуде бұған тағы бір көз жеткізуіміз керек”, – деген Павликтің сөзін келтіреді Boxingscene.