Геннадий Головкин мен Давид Лемье күзде кездесетін болды

WBA (Super), IBO және WBC (Interim) тұжырымдары бойынша орта салмақтағы әлем чемпионы Геннадий Головкин мен IBF тұжырымы бойынша чемпион, 26 жастағы Давид Лемье арасындағы жекпе-жектің өтетін уақыты белгілі болды деп жазады Vesti.kz.

Ақпаратық сайттың хабарлауынша жекпе-жек 17 қазанда Нью-Йорктегі Madison Square Garden аренасында өтеді.

Бұған дейін Golden Boy Promotions компаниясының президенті Оскар Де Ла Хойя Головкинге қарсы Лемьенің жекпе-жек өткізгісі келетінін хабарлаған болатын. Қанадалық спортшы үшін қазақстандықпен титулды қорғағаннан кейін емес, қазір кездескен тиімді. Басылымның мәліметінше, Лемье жеңіліп, чемпиондық атақтан айырылуы мүмкін.

Сонымен қатар, IBF Головкиннің промоутері Том Леффлерге Лемьенің титулды биыл қорғамауы да мүмкін екенін хабарлады. Сондықтан да Лемье мен Головкиннің күзде кездесуіне ешқандай кедергі жоқ.

Еске сала кетейік, Лемье чемпиондық титулға маусымның ортасында ие болды. Ол соңғы кездесуінде Хассан Н'Дам Н'Жикамды жеңді.