Спорт 24.04.2019 сағат 03:27

Головкин мен Роллс екінші рет көз арбасты

Қазақстандық боксшы Геннадий Головкин (38-1-1, 34 КО) мен канадалық Стив Роллс (19-0, 10 КО) Лос-Анджелесте (Калифорния штаты, АҚШ) екінші рет баспасөз мәслихатын өткізді, деп хабарлайды Sports.kz.

Головкин мен Роллс екінші рет көз арбасты
Бөлісу
Бөлісу
Бөлісу

Головкин 8 маусым күні «тамаша шоу» сыйлайтынын тағы да атап өтті, сондай-ақ Роллсты қарсылас ретінде таңдауы кездейсоқ еместігін тілге тиек етті. «Стив осы жекпе-жекке лайықты. Меніңше, ол осы жекпе-жек үшін қолынан келгеннің бәрін жасаған бірден-бір боксшы болды, сондықтан да осы жекпе-жекті алды», - деді Головкин.

Роллс, өз кезегінде, жекпе-жекте жеңіске жету үшін де қолынан келгеннің бәрін жасайтынын жеткізді. Баспасөз мәслихатынан кейін Головкин мен Роллс дәстүрлі көз арбасу рәсімін өткізді. Олардың жекпе-жегі 8 маусым күні Нью-Йорктегі Madison Square Garden аренасында өтеді.

Еске салсақ, бұған дейін Нью-Йоркте қазақстандық Геннадий Головкин (38-1-1, 34 КО) мен канадалық Стив Роллс (19-0, 10 КО) жекпе-жек алдында көз арбасқан болатын.

 Дереккөз: ҚазАқпарат

 

 

Оқи отырыңыз

загрузка...

Соңғы жаңалықтар

Қызықты материалдар