Қанат Ислам қарсыласын бар-жоғы 10 секундта жеңді (ВИДЕО)

Қазақ боксшысы кәсіпқой бокста 26 жекпе-жек өткізіп, бәрінде жеңіске жетті.

Қазақстандық Қанат Ислам (25-0, 20 КО) мен доминикан Хулио де Хесус арасындағы Алматыдағы бокс кешінің басты жекпе-жегі алғашқы минутта-ақ аяқталды.

Ислам алғашқы секундтардан шабуылға шығып, бір-екі қуатты соққысымен қарсыласын ауыр нокаутқа жіберді, деп хабарлады sputniknews.kz Sports.kz-ке сілтеме беріп. Осылайша жекпе-жек бар-жоғы 10 секундқа созылды.

Бұл жеңіс Қанатқа бірінші орта салмақтағы WBO Inter-Continental чемпионының бос тұрған титулын әкелді.

Қазақ боксшысы кәсіпқой бокста 26 жекпе-жек өткізіп, бәрінде жеңіске жетті. Хулио де Хесус екінші рет жеңіліске ұшырады.