Қанат Ислам: «Елдің атынан Олимпиадаға бару керек болса мен дайынмын!»

— Қанат аға, кәсіпқой боксшылардың да Олимпиадаға қатысуына болады деген сөз шыққалы «Қанат Ислам барады ма екен?» — деген сұрақты әр қазақ қойды десек артық айтқандық емес. Себебі бәріміз олимпиадада көк туды желбіреткеніңізді көргіміз келеді. Риоға барып, ел намысын қорғау қаншалықты мүмкін болып тұр?!

— Елдің ықыласына, қолдауына рахмет. Мені іздейтін қазағымның барына шүкір. Елдің ықыласы жеңіске жетуіме сенім ұялатып, серпін береді. Қазір мен АҚШ-та келесі жаттығуыма дайындалып жатырмын. Бұйыртса жекпе-жек келесі айдың сегізіне деп жоспарлануда. Әрине, мен үшін Оолимпиаданың орны бөлек. АҚШ-та да көк туды желбірету үшін жүрмін ғой. Бірақ Олимпиада ойындарында әнұранды ойнату ол бөлек нәрсе. Ол - бөлек қуаныш. Қазір менің салмағымда Данияр Елеусінов, Жәнібек Әлімханұлы інілерім өнер көрсетіп жүр. Екеуі де жақсы жігіттер. Олар бокс әлемінің жарық жұлдызына айналатынына сенемін. Тілекшімін. Шынымды айтсам, сол екі інімнің жолын кескім келмейді. Әрине, маңдайға жазғаны болады. Егер, ҚанатОолимпиадаға елдің атынан сен баруың керек десе, мен дайынмын. Бәрін тастап баруға әзірмін. Биылғы дода өте тартысты болмақ, Олимпиадада өнер көрсететін бауырларыма тек сәттілік тілеймін. Көк туды желбіретіп, ел қоржынына көп алтын салады деп сенемін.

Сұхбаттасқан: Берік СҰЛТАН