Заң 16.08.2017 сағат 04:54  788

АҚШ-та сотталған Дияс Қадырбаев Қазақстанға экстрадицияланбайтын болды

Диас Қадырбаевты АҚШ билігінің Қазақстанға не үшін бермей отырғаны белгілі болды. Ресми Вашингтон мен Астана арасында сотталған азаматтарды экстрадициялау туралы келісім жоқ екен. Сондықтан, Қадырбаевты отанына қайтару мүмкін болмай тұр деп мәлімдеді КТК телеарнасы.

Бөлісу
Бөлісу
Бөлісу

Бас прокуратура Диас Қадырбаевтың қазіргі жағдайынан бейхабар екен. Бір анығы - ол Техас штатындағы «Биг-Спринг» түрмесінде отыр. Мерзімінің бітуіне әлі 2 жыл бар.

Естеріңізге салсақ, қазақстандық қос студент - Диас Қадырбаев пен Азамат Тажияқов 2013-ші жылы Бостондағы марафон кезінде болған терактіге байланысты айыпталған. Кейін осы жарылысты ағайынды Царнаевтардың ұйымдастырғаны білгілі болды. Азамат пен Диас сол «күдіктілерге тиесілі сөмкені қоқысқа лақтырды» деп күдікке ілінген. Сөйтіп, Қадырбаев 6 жыл, Тажияқов 3 жарым жылға сотталған.

Азамат Тажияқов былтыр маусымда жазасын толық өтеп, елге оралғанын айта кетейік. Жалпы, қазір шетелдердегі түрмеде 3 мыңға жуық отандасымыз отыр. АҚШ-тың өзінде 4 жерлесіміз жазасын өтеуде.

Ғалымжан Қойгелдиев, ҚР Бас прокуратурасы Халықаралық ынтымақтастық басқармасының бастығы:

-2015 жылдан бастап Қазақстанның Бас прокуратурасы АҚШтың Әділет министрлігіне, оны отанға беру туралы өтінішпен бірнеше рет жүгінді. Алайда жасалған қылмыстық ауырлығына байланысты АҚШ тарапы оны беруден бас тартты. Ол 6 жылға сотталған жаза мерзімі 2019 жылы аяқталады. Бұл мәселе тек Америка тарапының құзыретінде екенін атап өткен жөн.

Оқи отырыңыз

‡àãðóçêà...

Соңғы жаңалықтар