Заң 04.10.2017 сағат 03:35

БҚО прокуратурасы адам органдарын сатумен айналысатын сайтты бұғаттады

БҚО Тасқала ауданының прокуратурасы тыйым салынған контенттерді анықтау мақсатында интернет-ресурстарға тексеру жүргізген. Тексеру барысында адам органдарын сатумен айналысатын сайт анықталыпты. Бұл туралы облыстық прокуратраның баспасөз қызметі мәлімдеп отыр.

Бөлісу
Бөлісу
Бөлісу

Прокурорлардың мәліметінше, адам органдарын сатуды жарнамалаумен айналысқан сайт шетелде тіркелген екен. Алайда, Қазақстан аумағында оған кіруге еш шектеу қойылмаған. Ал, еліміздің заңнамасына сәйкес, Қазақстанда адам органдарын сатуға қатаң тыйым салынғаны белгілі.

"ҚР Қылмыстық кодексінің 116-бабы бойынша адам органдарын заңсыз саудалағандар қылмыстық жазаға тартылады. Ал, ҚР БАҚ туралы заңының 1-бабы 4 және 5-тармақшаларына сәйкес интернет-ресурс БАҚ-қа жатқызылған. Демек, жоғарыда аталған ақпарат БАҚ өнімі болып есептеледі", - дейді прокурорлар.

Осылайша, Тасқала аудандық сотының шешімімен аталған сайт Қазақстан заңнамаларына қайшы келетін ақпаратты таратқаны үшін бұғатталып отыр.

Оқи отырыңыз

загрузка...

Соңғы жаңалықтар

Қызықты материалдар