$ 444.22 € 476.38 ₽ 4.82
Қостанай облысының қылмыстық істер жөніндегі соты 30 жылдан аса уақыт бірге тұрған әйелін өлтірген ер адамға қатысты сот үкімін шығарды.
Бұл оқиға былтыр 23 мамырда шамамен сағат 00.30-да Қостанай ауданы Затобольск ауылында болған.
Іс-материалдарына қарағанда, ер адам әйеліне төрт рет пышақ салған. Сол сәтте айғайдан басқа бөлмеде жатқан баланың оянып кеткені айтылады. Нәтижесінде әйелі оқиға орнында қаза болған.
Психологиялық-психиатрлық сараптаманың қорытындысы ер адамның психикалық тұрғыдан дені сау емес екенін көрсетті.
"Қостанай облысының қылмыстық істер жөніндегі мамандандырылған ауданаралық соты ер адамды ҚР Қылмыстық кодексінің 99-бабының 1-бөлігі бойынша айыпты деп таныды. Оның қабілетсіз халде екені анықталды", – делінген облыстық соттың хабарламасында.
Соттың үкімімен ер адам мамандандырылған психиатрлық стационарда ем алуға мәжбүр.
Дереккөз: Tengrinews.kz
