$ 443.35 € 475.54 ₽ 4.82
Астанада танымал кәсіпкер Еркін Әмірханов ұсталды. Ол бұрын "Эксимбанк Қазақстан" АҚ-ның басқарма төрағасы қызметін атқарған. Сондай-ақ, Қазақстандағы ең дәулетті 50 адамның тізімінен түспейтін. Ол пара бермек болған деп жазады Zakon.kz.
ҚР Ұлттық қауіпсіздік комитеті мәлімдегендей, кәсіпкердің үстінен сотқа дейінгі тергеу амалдары 3 мамырда басталып кеткен екен.
"2018 жылдың 3 мамырында Ұлттық қауіпсіздік комитетінің Тергеу департаменті "Центрказэнергомонтаж" АҚ-ның бұрынғы төрағасы Е.А.Әмірхановтың үстінен сотқа дейінгі тергеу амалдарын бастап кетті. Оған ҚР Қылмыстық кодексі 253-бабының 6-тармағы бойынша айып тағылуда", - делінген ҰҚК-нің Zakon.kz тілшілеріне берген жауабында.
Әмірхановты құқық қорғаушылар 5 мамыр күні ұстап әкетіпті. Ал, 6 маусым күні Есіл аудандық соты оны 2 айға қамауға алуға шешім шығарған.
ҰҚК тергеу құпиясына байланысты кәсіпкердің кімге пара бермек болғаны жөнінде мәлімдеген жоқ.
