$ 448.15  483.46  4.86

Өскеменде жұбайын жамандаған келінін енесі пышақтап тастады

Аталған оқиғаны Өскемен қалалық №2 соты қарады. Айыпталушы өз кінәсін толықтай мойындаған.
Фото: Ruffnews.ru
Фото: Ruffnews.ru

Өскемен тұрғыны өз келінін пышақтап тастады, деп хабарлайды Алтайньюс.

Марқұм күйеуінің анасымен кездескен келін енесінен мұндай қадам күтпеген. Екеуі де өткенді еске алып әңгіме-дүкен құруды ойлағанымен, оқиға мүлдем басқаша аяқталған.

Сөз арасында жұбайын жамандаған келін енесінің әбден ашуына тиген. Ақыр соңында енесі пышақты сілтей жөнелген көрінеді. Біреудің аялап отырған қызын бірнеше жерден жаралаған әйел төгілген қанды көргеннен кейін ғана есін жиып, жедел жәрдем қызметін шақырған.

Аталған оқиғаны Өскемен қалалық №2 соты қарады. Айыпталушы өз кінәсін толықтай мойындаған. Ал келіні болса, енесін кешіріп отыр. Сот үкімі бойынша, айыпталушыға 3 жылға шартты түрде бас бостандығынан айыру және 300 сағаттық мәжбүрлі еңбекке тарту жазасы тағайындалды. Сондай-ақ, 50 мың теңге мөлшерінде айыппұл салынды.

Үкім заңды күшіне енген жоқ.
 

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары