$ 444.22 € 476.38 ₽ 4.82
Қызылорда облысында ақтөбелік азаматқа қарақшылық шабуыл жасаған Байқоңыр қаласының 3 тұрғыны көп ұзамай қолға түсті, деп хабарлайды ҚазАқпарат.
Бұл оқиға Қазалы ауданының орталығы - Әйтеке би кентінде орын алған. Аудан орталығындағы автобекетте белгісіз біреулер ақтөбелік тұрғыннан 2 954 000 Ресей рублін, екі ұялы телефоны бар сөмкесін тартып алған.
Содан кейін белгісіз автокөлікке мініп оқиға орнынан бой тасалаған. Хабарламаға сәйкес, патрульдік полиция қызметкерлері жедел-іздестіру шараларын жүргізді. «Ваз-21014» маркалы автокөлігімен қашып бара жатқан Байқоңыр қаласының 3 тұрғыны қолға түсті.
Тексеру барысында олардан айғақ зат ретінде ақша, телефондар алынды. Күдіктілер 23-25 жас аралығындағы жігіттер болып шықты.
