Заң 06.02.2020 сағат 23:00

Оралда есірткіні ғаламтор арқылы сатуды ұйымдастырған колледж студенті ұсталды

Ол есірткіні өз пәтерінде бөліп, буып, белгілі бір жерге жасырып кету арқылы таратқан.
Оралда есірткіні ғаламтор арқылы сатуды ұйымдастырған колледж студенті ұсталды
фото: sputniknews.kz
Бөлісу
Бөлісу
Бөлісу

Батыс Қазақстан облысында есірткіні интернет арқылы сатуды ұйымдастырды деген күдікпен колледж студенті ұсталды, деп хабарлайды Skifnews.kz ақпарат порталы, ІІМ баспасөз қызметіне сілтеме жасап.

«Оның тұрғылықты жерін тінту барысында бөлшектеп салынған «Альфа ПВП» синтетикалық есірткі заты және гашиш табылды. Одан есірткі заттарынан бөлек, бірнеше ұялы телефон, банктік карталар, электронды таразы және буып-түюге арналған материалдар алынды», - деп мәлімдеді министрлік.

Тергеу барысында белгілі болғанындай, Оралдың 19 жастағы тұрғыны танымал мессенджер арқылы есірткі саудасын ұйымдастырған. Сатуға арналған есірткіні интернет арқылы тапсырыс беріп, оны жүзбе-жүз кездесуді қажет етпейтін жолмен алып отырған. Содан кейін есірткіні өз пәтерінде бөліп, буып, белгілі бір жерге жасырып кету арқылы таратқан.

Күдіктінің телефонынан есірткі жасырылған барлық мекенжайлар, геобелгілер және фотолар алынды. Соңғы екі айда Орал және Ақтөбе қалаларында барлығы 50-ге жуық жасырылған орын анықталған.

«ҚР ҚК-нің 296-бабы 4-бөлігі бойынша (есірткі заттарды, психотропты заттарды өткізу мақсатында заңсыз дайындау, қайта өңдеу, алу, сақтау, тасымалдау, жөнелту немесе өткізу) сотқа дейінгі тергеу басталды. Қазіргі уақытта есірткіні белгілі бір орынға жасырып кету функциясын жүзеге асырған азаматтарды анықтау, дәлелдемелік базаны бекіту және ҚР ҚК 297-бабының 4-бөлігі бойынша (есірткіні электронды ақпараттық ресурстарды пайдалану арқылы өткізу) жаңа айып тағу үшін тергеу-жедел іс-шаралары жүргізілуде» делінген хабарламада.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар