Заң 25.05.2020 сағат 05:05

Атырау облысында кейінгі 4 күнде 300-ге жуық құқық бұзушылық жасалған

Олардың 30-ға жуығы отбасының тыныштығын бұзса, 38-і ішімдік ішіп, қоғамдық орындарда мас болып жүрген.
Атырау облысында кейінгі 4 күнде 300-ге жуық құқық бұзушылық жасалған
фото: baigenews.kz
Бөлісу
Бөлісу
Бөлісу

Атырау облысында 4 күннің ішінде 300-ге жуық әкімшілік құқық бұзушылық тіркелді, деп хабарлайды Skifnews.kz ақпарат порталы, облыстық Полиция департаментінің баспасөз қызметіне сілтеме жасап.

Департамент 20-23 мамыр аралығында «Есеп» жедел-профилактикалық іс-шарасын өткізген. Іс-шараның мақсаты – ішкі істер органдарында профилактикалық есепте тұрғандар тарапынан жасалған құқық бұзушылықтарды анықтау, оның алдын-алу.

«Полиция қызметкерлері есепте тұрған азаматтарды тұрғылықты мекенжайы бойынша тексеріп, азаматтармен профилактикалық жұмыстар жүргізді. Аталған іс-шара кезінде 300-ге жуық әкімшілік құқық бұзушылық анықталды.

Олардың 30-ға жуығы – отбасының тыныштығын бұзғандар. Ал 38-і ішімдік ішіп, қоғамдық орындарда мас күйінде жүрсе, 20-дан астам азамат ұсақ бұзақылық жасаған», - деп хабарлады баспасөз қызметі.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар