Заң 24.05.2020 сағат 21:35

Нұр-Сұлтанда көлігінің үстіне қыздарды отырғызып алып жүрген мас жігіт қамауға алынды (ВИДЕО)

Жүргізушімен бірге жазаланған қыздар – 2000 және 2001 жылы туған.
Бөлісу
Бөлісу
Бөлісу

Бүгін Нұр-Сұлтан сақшылары Lexus LX 570 көлігінің рөліндегі 24 жастағы мас жүргізушіні 7 жылға жүргізуші куәлігінен айырды. Ол орталық саябақ тұрағында екі қызды көлігінің төбесіне отырғызып алып жүрген, деп хабарлайды Skifnews.kz ақпарат порталы, қалалық Полиция департаментінің баспасөз қызметіне сілтеме жасап.

«Бүгін әлеуметтік желіде екі қызды Lexus LX 570 көлігінің төбесіне отырғызып алған жүргізуші бейнеленген видео тарады. Қалалық полиция қызметкерлері жас жігітті ҚР Әкімшілік құқық бұзу туралы кодексінің 608-бабы 1-бөлімі бойынша жауапкершілікке тартты. Әкімшілік соттың қаулысымен жүргізуші 15 тәулікке қамалды», - деп мәлімдеді Нұр-Сұлтан қаласы Полиция департаментінің баспасөз қызметі.

Тағы оқи отырыңыз: Елордада көлік үстіне жартылай жалаңаш шыққан азамат жазаланды (ВИДЕО)

Сонымен қатар, тәртіп бұзушының «қыздардың астындағы» көлігі айып тұрағына қойылған. Жүргізушімен бірге жазаланған қыздар – 2000 және 2001 жылы туған. Оларға қатысты ҚР Әкімшілік құқық бұзу туралы кодексінің 615-бабы 1-бөлігі («Жаяу жүргіншілердің және жол қозғалысының өзге де қатысушыларының жол қозғалысы ережелерінің талаптарын орындамауы») бойынша әкімшілік іс қозғалды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар