Заң 15.10.2022 сағат 23:20

Шымкентте мәдениет басқармасының бұрынғы қызметкерлері 610 млн теңгені қолды еткен

Айыпталушылар карантин кезінде хаттамада концерт өткізгенін жазған, бірақ іс жүзінде ешқандай шара ұйымдастырмаған.
Шымкентте мәдениет басқармасының бұрынғы қызметкерлері 610 млн теңгені қолды еткен
Бөлісу
Бөлісу
Бөлісу

Шымкентте 610 миллион теңгені жымқырған шенеуніктердің ісі бойынша сот үкімі шықты, деп хабарлайды Stan.kz. 

Сот барысында Шымкент қалалық мәдениет басқармасының, "Мәдениет үйі" концерттік ұйымының бас есепшілері және олармен сөз байласып жүрген кәсіпкерге қатысты айыптаулар айтылды. Олар мемлекет ақшасын ысырап ету және жымқыру фактілері бойынша кінәлі деп танылды.

Соттың хабарлауынша, айыпталушылар карантин кезінде хаттамада концерт өткізгенін жазған, бірақ іс жүзінде ешқандай шара ұйымдастырмаған. Сондай-ақ сот бұл іске бастапқыда 6 күдіктінің қатыстырылғанын, бірақ үш айыпталушының кінәсіз деп танылып, сот залынан босатылғанын айтты.

"Айыпталушылардың бірі – жеке кәсіпкер. Оның атына және туыстарының атына жеке субъектілер ашылған. Бұқаралық мәдени шаралар өткізеді деген желеумен бұл субъектілерге мемлекет қаржысы жіберіліп отырған. Сот залынан босатылған үш айыпталушыға келсек, олар мәдениет бөлімінің басшысы, басшының міндетін атқарушы және есепші. Есепші 7 жылға шартты түрде сотталды. Ал мәдениет бөлімінің бас есепшісі мен кәсіпкер 7 жылға бас бостандығынан айырылды. "Мәдениет үйі" концерттік ұйымының бас есепшісі 8 жылға сотталды”, – деді судья Әбсаттар Шахидинов.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар